Śledstva pryznała padazravanymi va ŭčynieńni złačynstva na padstavie č. 3 art. 426 KK (pieravyšeńnie ŭłady abo słužbovych paŭnamoctvaŭ, učynienaje słužbovaj asobaj, što jaŭna vychodzić za miežy pravoŭ i paŭnamoctvaŭ, dadzienych pa słužbie) čatyroch słužbovych asob Leninskaha RUUS stalicy.Pra heta
paviedamiŭ aficyjny pradstaŭnik upraŭleńnia Śledčaha kamiteta pa Minsku Alaksandr Hierasimaŭ.
Pavodle jaho słoŭ, USK va ŭzajemadziejańni z orhanami ŭnutranych spraŭ pravodzić kompleks śledčych dziejańniaŭ, skiravanych na ŭstanaŭleńnie ŭsich akaličnaściaŭ učynieńnia supraćpraŭnych dziejańniaŭ u dačynieńni da vartaŭnika aŭtastajanki Vasila Saročyka.
Na padstavie art. 223 i 224 KPK z udziełam paciarpiełaha 11 śniežnia byli praviedzieny pracedury apaznańnia.Pavodle ich vynikaŭ, a taksama zhodna ź inšymi materyjałami kryminalnaj spravy śledstvam byli pryniaty pracesualnyja rašeńni ab pryznańni supracoŭnikaŭ milicyi padazronymi. Miera strymańnia ŭ dačynieńni da ich pakul nie abirałasia.
U statusie padazravanaha znachodzicca opierupaŭnavažany Žanna Bahdanoŭskaja i troje
***
Ab katavańniach u dačynieńni da piensijaniera Saročyka, vartaŭnika aŭtastajanki, raźmieščanaj pa vulicy Malinina ŭ Minsku, jakaja naležyć UP «Ramien», paviedamiła pravaabarončajaNa sajcie «Płatformy» (www.platformarb.com) taksama byŭ raźmieščany videaraskaz paciarpiełaha. Zatym jon paŭtaryŭ svoj raskaz nainfarmacyjna-aśvietnaja ŭstanova «Płatforma».
Incydent adbyŭsia 14 listapada. Pavodle słoŭ Saročyka, u punkt achovy aŭtastajanki pryjšli dva supracoŭniki pravaachoŭnych orhanaŭ, adzin ź jakich byŭ u cyvilnym. Nie pakazvajučy dakumientaŭ i ničoha nie tłumačačy, jany zahadali vartaŭniku nakiroŭvacca ŭ Leninskaje RUUS. Prykładna hadzinu Saročyk znachodziŭsia ŭ pamiaškańni dziažurnaj častki ŭpraŭleńnia, a zatym jaho adviali na dopyt. Paźniej vyśvietliłasia, što dopyt pravodziła opierupaŭnavažanaja Leninskaha RUUS Bahdanoŭskaja
Piensijanier pasprabavaŭ rastłumačyć, što nie viedaje, pra što idzie havorka, ale paśla hetaha paboi ŭzmacnilisia. Jak śćviardžaje Saročyk, jaho bili nahami i dubinkami pa hałavie i ciele, da źbivańnia pieryjadyčna padklučalisia inšyja supracoŭniki RUUS. Katavańni supravadžalisia niecenzurnaj łajankaj i pahrozami zabojstva. Kali pažyły čałaviek hublaŭ prytomnaść, jaho ablivali chałodnaj vadoj.
Usio heta doŭžyłasia prykładna šeść hadzin, ale nijakaha pryznańnia ad Saročyka milicyjaniery nie atrymali. U vyniku ŭ dačynieńni da jaho skłali niejki dakumient, jaki piensijanier padpisaŭ, kali ŭžo byŭ nie ŭ stanie jaho pračytać, i adpuścili damoŭ.
Ź milicyi Saročyk adpraviŭsia ŭ
Prakuratura nakiravała materyjały ŭ Leninski rajonny adździeł SK, jaki pravodziŭ pravierku, zatym pracu pradoŭžyła upraŭleńnie Śledčaha kamiteta pa Minsku.
U kancy listapada źjaviłasia infarmacyja, što na Saročyka pačaŭsia nacisk z boku milicyi. Jamu telefanavali pradstaŭniki Leninskaha RUUS, na aŭtastajancy, dzie jon pracuje, sprabavali pabyvać niekalki supracoŭnikaŭ orhanaŭ unutranych spraŭ. Pravaabaroncy ličać, što milicyjaniery chacieli prymirycca ź piensijanieram.
12 śniežnia MUS i SK aficyjna zajavili, što asnoŭnaja zadača śledstva pa spravie ab pieravyšeńni ŭłady supracoŭnikami Leninskaha RUUS — «praviadzieńnie niezaležnaha rasśledavańnia i ŭstanaŭleńnie iściny».