U chutkim časie ŭ Biełarusi źjavicca aramatyčny simvał — amierykanka biełaruskaha pachodžańnia Safija Hrojsman, adna z asnoŭnych parfumieraŭ śvietu, stvaryła vodar «Biełaja Ruś». Vodar maje pracoŭnuju nazvu «Žadańnie prachałody». Paśla naniasieńnia parfumy na skuru, na vusnach źjaŭlajecca sałodki smak.
«Heta taki śpiecyfičny chod. — kaža Hrojsman. — Prosta ja vielmi lublu Biełaruś, voś i chaciełasia pieradać pry dapamozie vodaru hetaje biaźmiežnaje adčuvańnie prastoru i svabody, jakoje jość u našaj krainie».
Nasamreč, vodar atrymaŭsia cikavym — dosyć lokim, i pry hetym zapaminalnym. Safija Hrojsman u svoj čas z vodaram «Trezor» pieraŭzyšła pa papularnaści znakamituju «Šanel numar piać», tamu novy vodar moža stać nie mienš papularnym.
PadčasPra Biełaruś Safija Hrojsman uzhadvaje ź ciepłynioj — jana naradziłasia ŭ Lubčy, i ŭ apošni svoj pryjezd navat znajšła rodnuju chatu.skajp-kanfierencyi ź biełaruskimi žurnalistami spadarynia Hrojsman abvierhła čutki, što stvarała «asabisty» vodar dla Łukašenki.«Ja b stvaryła dla jaho dobry vodar, ale pakul mnie heta nie prapanoŭvali».
«U dziacinstvie ŭ mianie nie było cacak, tamu ja hulałasia z kvietkami. — uzhadvaje Hrojsman. — Mienavita dziciačyja ŭspaminy, uražańni i dapamahli mnie stać parfumieram».
«Biełaja Ruś», kali jana źjavicca na pryłaŭkach, budzie darahoj parfumaj — u jaje ŭvachodziać redkija inhrydyjenty.
«Pravilnaja nazva parfumy — „Biełaja Ruś“, biez „numar piać“, prosta ja zrabiła dziesiać roznych varyjantaŭ vodaru, i najlepšym apynuŭsia piaty. —śmiajecca Hrojsman. —
Hetaj parfumaj mohuć karystacca i mužčyny, i žančyny.Spadziajusia, dziakujučy jamu Biełaruś stanie bolš viadomaj u śviecie».
* * *
Safija Hrojsman
naradziłasia ŭ Biełarusi, u Lubčy (Navahrudski rajon). U vajnu baćki partyzanili, baćka vyratavaŭ maci z hieta. U
