Rasija vydzielić Biełarusi kredyt u $2 młrd pad madernizacyju pradpryjemstvaŭ. Ab hetym raskazaŭ siońnia Alaksandr Łukašenka ŭ čas naviedvańnia BDUIR.
Pa jaho słovach, pra heta išła razmova ŭ čas jaho niadaŭniaha vizitu ŭ Rasiju. «18 i 19 śniežnia adbylisia pieramovy va ŭradzie Rasii i z prezidentam Rasii pa
— Kali ja im skazaŭ — adnamu i druhomu: vy padumajcie, kali my rodnyja braty, my pavinny dapamahać u pieryjad kryzisu. Nam treba paru miljardaŭ dalaraŭ kredytaŭ, kab ažyćciavić madernizacyju našych pradpryjemstvaŭ».
«Pavinien skazać, mianie heta ździviła, ja kažu: možacie adkaz siońnia nie davać, vy padumajcie.
Kaža: nie, čamu, davajcie kankretny śpis, ale pažadana sumiesnych pradpryjemstvaŭ.Heta značyć, my dajem hrošy, a vašy pradpryjemstvy — pad madernizacyju — i stvarajem sumiesnyja pradpryjemstvy. Ja kažu: dobra, ale heta adzin napramak.
Ale i dla niesumiesnych pradpryjemstvaŭ nam taksama patrebien $1 młrd. «, — raspavioŭ Łukašenka.
Pavodle słoŭ Łukašenki, admoŭnaha adkazu na heta jon nie atrymaŭ. «Naadvarot, kažuć: tak, my razhledzim, my ŭ hetaj častcy dapamožam», — adznačyŭ Łukašenka.
Z rasijskich krynic infarmacyi pra hety kredyt pakul nie było.
Ź jahonych atrymańniem ahulnaja zamiežnaja zapazyčanaść Biełarusi, imavierna, pieravysić 35 miljardaŭ dalaraŭ.