Biełaruskaja čyhunka zaklučyła kantrakt sa šviejcarskaj kampanijaj Stadler Bussnang AG na pastaŭku ŭ 2013—2014 hadach šaści elektraciahnikoŭ FLIRT dla rehijanalnych linij.Čatyry ź ich pastupiać u 2013 hodzie i dva — u 2014-m.
Novyja ciahniki buduć vyznačacca pavyšanym kamfortam i źmiaščalnaściu. U novym elektraciahniku praduhledžana piać vahonaŭ.
Dla vyhady pasažyraŭ siadzieńni buduć raźmieščanyja adno za druhim, a ŭ vahonach źjaviacca dadatkovyja palicy dla ručnoj pakłažy i bahažu.
Nahadajem, pieršy kantrakt z kampanijaj Stadler Bussnang AG na pastaŭku 10 elektraciahnikoŭ novaha pakaleńnia Biełaruskaja čyhunka zaklučyła ŭ sakaviku 2010 hoda. Piać ź ich prybyli ŭ Biełaruś u 2011 hodzie i piać — u 2012-m. Ciapier pa biełaruskaj mahistrali kursirujuć šeść elektraciahnikoŭ dla haradskich i čatyry elektraciahniki dla rehijanalnych linij biźnies-kłasa.
Elektraciahniki novaha farmatu zavajavali svaju nišu na rynku pasažyrskich pieravozak.
Z pačatku adkryćcia rehularnaha ruchu ciahnikoŭ haradskich linij imi pieravieziena prykładna 2 młn. čałaviek, ciahnikami rehijanalnych linij biźnies-kłasa — bolš jak 1 młn.
0
0
0
0
0
0
