Suadnosiny nastaŭnikaŭ i vučniaŭ u Biełarusi samyja nieracyjanalnyja ŭ Jeŭropie, a mahčyma, i ŭ śviecie,zajaviŭ ministr adukacyi Siarhiej Maskievič 21 śniežnia na
Pavodle jaho słoŭ, u Biełarusi na adnaho vučnia prypadaje značna bolš nastaŭnikaŭ, čym u susiednich krainach — Litvie, Polščy i inšych. «Nam sapraŭdy možna nabirać u dva razy mienš studentaŭ u piedahahičnyja VNU», — ličyć ministr.
Jak adznačyŭ Maskievič, mienavita ŭ suviazi ź nieracyjanalnaściu suadnosinaŭ nastaŭnikaŭ i vučniaŭ
Jak nieadnarazova zajaŭlałasia raniej, vydzialeńnie hrošaj u raźliku na kožnaje dzicia pavinna stymulavać škoły palapšać jakaść padrychtoŭki, kankuravać za pryciahnieńnie vučniaŭ.Ministr źviazvaje nadziei na vyrašeńnie prablemy z praviadzieńniem z 2013 hoda ekśpierymientu ŭ asobnych ustanovach adukacyi Minska, Hrodzienskaj i Homielskaj abłaściej pa padušavym finansavańni.
Pry ŭkaranieńni hetaha padychodu kiraŭniki škoł buduć imknucca zachavać u škołach najlepšych vykładčykaŭ: adbirać najlepšych vypusknikoŭ piedahahičnych VNU i daražyć piensijanierami, jakija majuć vysoki rejtynh i dobra acenieny baćkami, miarkuje Maskievič. «Heta budzie inšy padychod da farmiravańnia piedahahičnych kalektyvaŭ i da acenki ich dziejnaści», — skazaŭ jon.
Pavodle słoŭ ministra, realnyja vyniki pa aptymizacyi buduć prykmietnyja nie adrazu, a «praz hod, abo praz try, abo praź piać». «Hałoŭnaje, kab praces nakiravać u hetaje rečyšča i vyznačyć kryteryi paśpiachovaści pracesu», — padkreśliŭ jon. Pieršy kryteryj — «nichto nie pavinien zastacca na vulicy abo biez pracy, kožny pavinien znajści siabie i vyznačyć svajo miesca». Druhi kryteryj — vysokaja acenka dziejnaści ŭstanovy adukacyi baćkami i piedahohami.
