Dzivosnaja draŭlana-ziemlanaja architektura.
U haradzišča viali varoty-tuneli.
Ciapier tut možna pravodzić sustrečy i viasielli.
U Łužycy šyldy dvuchmoŭnyja, pa-niamiecku j pa-łužycku.
Źvierchu haradzišča vyhladała amal jak tvor Nimiejera.
Tak budavali j našy prodki.
U rekanstrujavanym słavianskim haradziščy Ch stahodździa ciapier muziej. Vonkava haradzišča vyhladaje, jak i tysiaču hadoŭ tamu, kali słavianie baranilisia ad nacisku niemcaŭ. Ale ŭnutry heta sučasnyja pamiaškańni z restaranam, muziejem i załami dla sustreč.
Haradzišča maje 58 mietraŭ u dyjamietry. Budavalisia takija zamki z dubovych kamloŭ, jakija kłali ŭdoŭž i ŭpopierak dy sčaplali sukami, kab nie raściahnuć było. Dubovuju asnovu zasypali piaskom dy hlinaju. U ścianie było dvoje varotaŭ. Unutry byŭ kałodziež.
Takich słavianskich zamkaŭ u Niamieččynie adkryta kala 140. Jak miarkujecca, słavianie pryjšli na ziemli miž Elbaj i Odraj kala VI st. u časie vialikaha pierasialeńnia narodaŭ. Słavianie trymalisia da Ch st., a paśla pačałasia ŭsio bolšaja hiermanizacyja. Niemcy raniej pryniali chryścijanstva i stvaryli mocnyja dziaržavy, a słavianskija plamiony žyli adasoblena i pa staryncy.
Z usich słavianskich plamion uschodniaj Niamieččyny svaju tojesnaść zachavali tolki łužyčanie. Dziakujučy svajmu susiedstvu z Polščaj na ŭschodzie i čechami na poŭdni jany časam traplali pad uładu hetych dziaržavaŭ. Astatnija słavianie rastvarylisia ŭ niamieckim mory.
U Niamieččynie dahetul zachoŭvajuć svaje tradycyi i movu kala 60 tysiač łužyčan. Niamieckaja dziaržava ciapier finansuje ich kulturnuju dziejnaść, ŚMI i histaryčnyja daśledavańni.
