Pra heta paviedamiŭ namieśnik staršyni partyi Aleh Hajdukievič 9 studzienia na
Pavodle jaho słoŭ, najbližejšymi dniami jany buduć pieradadzieny ŭ Centrvybarkam.
«Ničoha lepšaha, čym vybary pa partyjnych śpisach u śviecie nie prydumana. Čas i Biełarusi pierachodzić na hetu sistemu vybaraŭ. Tady praz raźvićcio šmatpartyjnaści, hramadzianskaj supolnaści ŭ krainie budzie raźvivacca i demakratyja. Aprača taho, heta narmalizuje i adnosiny ź ES, tamu što parłamient budzie lehitymizavany», — skazaŭ Aleh Hajdukievič.Pa-pieršaje , ŁDP prapanoŭvaje pierajści na vybary pa parłamienckich śpisach.
Pa-druhoje , ŁDP ličyć nieabchodnym, kab 30% składu vybarčych kamisij vybiralisia z pradstaŭnikoŭ aficyjna zarehistravanych palityčnych partyj.
Jašče dźvie prapanovy ad ŁDP padobnyja na tyja, što prapanoŭvaje Centrvybarkam.
Tak, u ŁDP ličać nieabchodnym pašyryć mahčymaści dla farmiravańnia vybarčych fondaŭ. «My taksama miarkujem, što kandydat pavinien mieć mahčymaść kuplać rekłamny čas na telebačańni, jak heta robicca ŭ Rasii. Pryčym hety praces pavinien być poŭnaściu prazrystym, rekłama pavinna kuplacca tolki ź biełaruskich krynic finansavańnia», — padkreśliŭ Hajdukievič.
Jak i CVK, u ŁDP miarkujuć, što ŭ miežach vybarčaha zakanadaŭstva nielha ahitavać za bajkot.«Vybary — heta mahčymaść dastukacca da vybarščykaŭ, sens dziejnaści palityčnaj partyi zaklučajecca va ŭdziele ŭ vybarach, a nie ŭ ich bajkocie», — miarkuje Aleh Hajdukievič.
Namieśnik staršyni ŁDP taksama zaznačyŭ, što partyja nie stała brać udzieł u padrychtoŭcy papravak, jakija ŭžo adpraŭleny ŭ CVK šeraham apazicyjnych partyj i arhanizacyj. «Ničoha surjoznaha jany ŭ svaich papraŭkach nie napisali, usio toje ž samaje, što prapanoŭvajecca ŭžo mnohimi hadami», — skazaŭ Hajdukievič.