Na Rastvo staryja ludzi vitajuć adzin adnaho: «Chrystos naradziŭsia!». A adkazvajuć: «Jaho słavim!» abo «Boh abjaviŭsia!» A voś znajomyja ŭsim słovy «Chrystos uvaskros!» u hety dzień hučać vielmi niečakana.
Adnak mienavita tak źviarnuŭsia da viernikaŭ mitrapalit Fiłaret 8 studzienia na sustrečy z vychavancami dziciačych damoŭ i internataŭ, jakaja adbyłasia ŭ ramkach prajekta «Kaladnaja jołka — našy dzieci». Dzieci družna adkazali «Sapraŭdy ŭvaskros!». Ale mnohija ŭsio adno padumali, što adbyłasia niejkaja pamyłka.
«Sierafim Saroŭski chrystasavaŭsia kožny dzień, niezaležna ad času hoda. Mitrapalit, napeŭna, ad lišku pačućciaŭ vyrašyŭ pavitać ludziej hetym słovam, choć heta nie kaladnaje vitańnie, — adznačaje Sierhij Lepin. — Časam tak byvaje: u chvilinu asablivaha zachapleńnia ludzi vitajuć adzin adnaho vielikodnym vokličam».