Oršu i Połack abjadnajuć ź ich rajonami 3

Harady Oršu i Połack abjadnajuć ź ich rajonami. Adpaviedny ŭkaz № 27 «Abjadnańni rajonaŭ i haradoŭ abłasnoha padparadkavańnia Respubliki Biełaruś, jakija majuć ahulny administracyjny centr» Alaksandr Łukašenka padpisaŭ 14 studzienia.

.

Dakumientam praduhledžvajecca abjadnańnie Aršanskaha rajona i Oršy, Połackaha rajona i Połacka ŭ metach udaskanaleńnia sistemy dziaržaŭnaha kiravańnia, zabieśpiačeńnia kompleksnaha raźvićcia administracyjna-terytaryjalnych adzinak bazavaha terytaryjalnaha ŭzroŭniu.

Pieradumovy dla takoha abjadnańnia skłalisia na praciahu šeraha apošnich hadoŭ.

Tak, u metach udaskanaleńnia kiravańnia roznymi śfierami žyćciezabieśpiačeńnia nasielnictva adbyłosia źlićcio ŭ adnu arhanizacyju ahulnych dla rajona i horada ŭstanoŭ achovy zdaroŭja, ekałohii, suviazi, vajennych kamisaryjataŭ, rehijanalnych padraździaleńniaŭ MNS, sudoŭ, nataryjalnych kantor i inšych słužbaŭ.

Kancentracyja materyjalnych i finansavych resursaŭ daść mahčymaść bolš efiektyŭna vyrašać pytańni raźvićcia vioski, palapšać umovy dziejnaści subjektaŭ haspadarańnia, a taksama bolš apieratyŭna i kompleksna vyrašać pytańni sacyjalna-ekanamičnaha raźvićcia haradoŭ i rajonaŭ, što abjadnoŭvajucca. Heta taksama daść mahčymaść aptymizavać kiraŭnickija pracesy, skaracić vydatki na ŭtrymańnie kiraŭnickaha piersanału, zabiaśpiečyć dla žycharoŭ horada i vioski adnolkavy ŭzrovień dastupnaści sacyjalnaj infrastruktury.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH