U sudovaj praktycy ZŠA stvorany pieršy precedent što da pravoŭ na fota ŭ sacsietkach

Pra heta paviedamlaje Reuters.

Manchetenski sud vyrašyŭ, što ahienctva France-Presse i hazieta The Washington Post parušyli prava fatohrafa Daniela Marela, vykarystaŭšy dla ilustracyi navinaŭ pra ziemlatrus na Haici ŭ 2010 hodzie zdymak, jaki žurnalist zrabiŭ na vyśpie i raźmiaściŭ u svaim tvitary.

Pradstaŭniki ahienctva AFP, jakoje inicyjavała praces u 2010 hodzie, nastojvali, što fatahrafija, apublikavanaja ŭ Tvitary, aŭtamatyčna traplaje ŭ svabodny dostup, adnak sud pryjšoŭ da vysnovy, što heta supiarečyć karystalnickamu pahadnieńniu servisu: choć

dakumientam i dazvalajecca pierapost, abo «retvit» vyjavaŭ, heta nie daje prava vykarystoŭvać ich u kamiercyjnych metach biez dazvołu aŭtara.

Na słuchańniach, data jakich pakul nie pryznačanaja, sud pavinien vyrašyć, jakuju adkaznaść paniasuć kampanii, i vynieści vierdykt pa niekalkich inšych punktach spravy.

Adznačajecca, što Twitter Inc u spravie nie ŭdzielničaje, adnak jaje pradstaŭnik padkreśliŭ: praviły servisu zaŭsiody praduhledžvali, što karystalniki vałodajuć vyklučnym pravam na svaje fatahrafii, apublikavanyja z dapamohaj servisu.

U kancy minułaha hoda na servis Instagram, što naležyć Facebook, padali pieršy hramadzianski pazoŭ praz uviadzieńnie novaj palityki pryvatnaści: paviedamlałasia, što klijenty, nie zhodnyja z umovami Instagram, mohuć vydalić svaje profili, ale tady

jany straciać prava na fatahrafii, vykładzienyja imi raniej.

0

0

0

0

0

0

Reuters

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH