Smalenskija aŭtainśpiektary pieraduchilili niezakonny ŭvoz ź Biełarusi ŭ Rasiju leaparda.
Siońnia ranicaj na trasie Maskva-Minsk supracoŭniki DIBDR spynili aranžavy mikraaŭtobus Mercedes Benz ź biełaruskimi numarami dla pravierki dakumientaŭ.
Pry dahladzie aŭtamašyny vyjaŭlenaja prykrytaja koŭdrami kletka, u jakoj znachodziŭsia leapard.U aŭto jechali troje mužčyn, u jakich nie było pry sabie dakumientaŭ na źviera. Mikraaŭtobus supravadzili ŭ adździeł MUS Rasii "Smalenski".
75-hadovy mužčyna, jaki jechaŭ u furhonie i jaki pradstaviŭsia dresiroŭščykam drapiežnikaŭ, raspavioŭ palicyjantam, što
ŭ 1993 hodzie nabyŭ u Livanie 2-miesiačnaha leaparda, kab vydresiravać jaho i vystupać na hastrolach. Leapard žyvie ŭ jaho maskoŭskaj kvatery ŭ śpiecyjalnym valjery.Raniej haspadar rabiŭ jamu nieabchodnyja pryščepki, ale da jakoha hoda, nie pamiataje. Pieryjadyčna dresiroŭščyk z drapiežnikam vyjazdžajuć na hastroli.
Pa słovach mužčyny, 5, 6 i 7 studzienia jany vystupali z numarami ŭ Breście. Paśla vystupu dresiroŭščyku stała drenna, tydzień jon pravioŭ u balnicy. Potym arhanizatary vystupu naniali furhon Mercedes Benz, kab pieravieźci artysta sa źvieram u Maskvu.
Dvoje maładych ludziej, taksama jakija jechali ŭ mikraaŭtobusie, rastłumačyli, što ich naniali praź internet dla pieravozki leaparda ŭ Maskvu, ale chto mienavita naniaŭ, pa jakim adrasie treba było dastavić žyvioła i kolki abiacali zapłacić, adkazać nie zmahli.
Z dakumientaŭ u dresiroŭščyka było pry sabie paśviedčańnie, vydadzienaje Sajuzam cyrkavych dziejačaŭ, a taksama mižnarodny vieterynarny siertyfikat na sabaku i dazvoł na pieravozku žyvoha leaparda, termin dziejańnia jakoha skončyŭsia jašče ŭ 2006 hodzie.
Vyrašajecca pytańnie ab pieradačy materyjałaŭ u hałoŭnaje ŭpraŭleńnie vieterynaryi Smalenskaj vobłaści, inśpiektary jakoha i buduć vyrašać dalejšy los drapiežnika.
