Pavodle jaho słovaŭ, u adpaviednaści z padpisanym u 1994 hodzie ŭ Budapiešcie Miemarandumam ab harantyjach biaśpieki ŭ suviazi z dałučeńniem Biełarusi da Damovy ab nieraspaŭsiudžańni jadziernaj zbroi, «ZŠA dobraachvotna ŭziali na siabie damoŭlenaści, jakija jurydyčna ich abaviazvajuć. A mienavita: jany abaviazalisia ni pry jakich abstavinach nie vykarystoŭvać miery ekanamičnaha prymusu ŭ dačynieńni da Biełarusi».
Tym nie mienš ZŠA svaje abaviazańni parušyli, faktyčna nie vykanaŭšy damoŭlenaść, padkreśliŭ Savinych. «Heta surjoznaje parušeńnie, jakoje padryvaje aŭtarytet ZŠA», — adznačyŭ
Andrej Savinych źviarnuŭ uvahu na toje, što «ŭ śfierach, dzie my adychodzim ad palityčnych kliše, dyjałoh vybudoŭvajecca dosyć roŭna». U jakaści prykładu jon pryvioŭ sumiesny kantrol nad nieraspaŭsiudžańniem jadziernaj zbroi. «Siońnia my całkam kanstruktyŭna supracoŭničajem z amierykancami pa kantroli, źviazanym ź pieramiaščeńniem jadziernych materyjałaŭ praź miažu Biełarusi. Jany bačać tut rolu Biełarusi, u nas surjozny tranzitny patencyjał. Heta supracoŭnictva ŭ intaresach i našaj krainy, i ZŠA, i ŭsiaho śvietu ŭ cełym. Tut my lohka znachodzim punkty sudakranańnia. Mnie zdajecca, hetyja pryncypy pavinny realizoŭvacca i ŭ inšych śfierach», — skazaŭ
Niahledziačy na sankcyi ZŠA ŭ dačynieńni da Biełarusi, tavaraabarot pamiž krainami, pavodle acenak Andreja Savinych, za 2012 składzie kala $700 młn. Sa Złučanych Štataŭ Biełaruś impartuje składanaje techničnaje abstalavańnie dla technałahičnaha pieraŭzbrajeńnia svaich pradpryjemstvaŭ. «Salda ŭ handli ŭ intaresach ZŠA, my impartujem značna bolš, čym ekspartujem na amierykanski rynak. Naš ekspart častkova abmiežavany praz sankcyi, a prapanavać jość što. Vielmi aktyŭna raźvivajecca ekspart infarmacyjnych pasłuh — rost bolš za 60% u hod, ale taksama my mahli b bolš surjozna raźvivacca i ŭ inšych śfierach», — upeŭnieny
