U najbližejšy čas u VNU Biełarusi moža vyraści košt navučańnia. Pra heta śviedčyć praviedzienaje BiełaPAN apytańnie supracoŭnikaŭ buchhałteryj viadučych biełaruskich VNU.
Tak, u buchhałteryi Biełaruskaj dziaržaŭnaj akademii muzyki BiełaPAN paviedamili, što «pakul jašče Ministerstva adukacyi vyrašaje, ci davać dazvoł na pavieličeńnie apłaty za navučańnie» ŭ suviazi z pavieličeńniem z 1 studzienia taryfnaj staŭki pieršaha razradu. Tamu pakul studenty płaciać pa starych kvitancyjach, adnak, mahčyma, budzie zahad ažyćciavić dapłatu.
U adździele płatnych adukacyjnych pasłuh buchhałteryi Biełaruskaha nacyjanalnaha techničnaha ŭniviersiteta zajavili, što im pakul ab pavieličeńni koštu navučańnia nie viadoma.
«Štości źjavicca ŭ pačatku lutaha, nie raniej», — dadaŭ supracoŭnik buchhałteryi.
Udakładniać novy košt navučańnia nie raniej lutaha taksama paraili ŭ buchhałteryi Biełaruskaha dziaržaŭnaha ŭniviersiteta kultury i mastactvaŭ. «Pakul jašče ničoha nie viadoma: daść nam zahad Ministerstva adukacyi ci nie», — adznačyli ŭ buchhałteryi.
U buchhałteryi Biełaruskaha dziaržaŭnaha ŭniviersiteta zajavili, što «pakul jašče košt navučańnia nie pavysiŭsia», i nie zmahli skazać, kali takoje rašeńnie moža być pryniata.
Košt navučańnia pakul nie pavysili i ŭ Biełaruskim dziaržaŭnym univiersitecie infarmatyki i radyjoelektroniki i Biełaruskim dziaržaŭnym
Tolki kiraŭnikpres-centra Akademii kiravańnia pry prezidencie Juryj Zajcaŭ peŭna paviedamiŭ, što košt navučańnia ŭ VNU nie pavysiŭsia, i «hetaje pytańnie nie abmiarkoŭvajecca ciapier».
