Kalehi kažuć, što Volha Komar druhi raz vyjšła zamuž i syšła z suda, ale nie z prafiesii — budzie nadalej pracavać jurystkaj, paviedamlaje radyjo «Svaboda».
Volha Komar pracavała sudździoj Frunzienskaha rajona stalicy. Zhodna z ukazam Alaksandra Łukašenki ad 14 studzienia jana vyzvalenaja ad pracy — zakončyŭsia termin paŭnamoctvaŭ. Razabracca ŭ pryčynach nam nie ŭdałosia. Na telefonnym numary, zarehistravanym na spn.Komar, nam adkazali, što heta nie jaje telefon.
Komar u 2011-m razhladała pieršy praces pa spravie Płoščy. Tady jana na 4 hady kałonii ŭzmocnienaha režymu pasadziła Vasila Parfiankova. Jana zapomniłasia taksama sudami nad hramadskim aktyvistam Paŭłam Stanieŭskim, pravaabaroncam, byłym milicyjantam Paŭłam Levinavym — abodvuch sumlennych ludziej adpraviła na sutki – maŭlaŭ, za łajanku.
Joj zabaronieny ŭjezd na terytoryju ES.
Da taho, jak stać sudździoj, Volha Komar pracavała advakatam. Kalehi jaje vysoka canili: «Jana sapraŭdy maje aŭtarytet, ź joj zaŭsiody railisia ŭ samych składanych spravach».
A čamu jana syšła z suda? «Ja dumaju, što jana zrabiła vybar, jaki budzie lepšym dla jaje. Tamu što ŭ čałavieka adno žyćcio, i jon sam robić vybar — jak jamu jaho pražyć».
