Prahnoz pahoršaŭ: u niadzielu ŭ Minsku abiacajuć minus 24, u Viciebsku — minus 29 4

U maroznym niebie — bieź pieramien. Mietearołahi navat pahoršyli svoj raniejšy prahnoz.

Uranku niadzieli, 27 studzienia, u Viciebsku čakajecca da minus 29, u Minsku i centry krainy — minus 24. Roźnica nievialikaja. Pry takim marozie hłuchnuć dyzeli i nie pracujuć soli-reahienty na darohach, što stvaraje patencyjnyja niebiaśpieki.

Čakajecca, što mocnyja marazy zatrymajucca prykładna da nastupnaha čaćviarha, 1 lutaha. Raniej sinoptyki abiacali, što jany asłabnuć trochi raniej.

Dzionnyja tempieratury ŭ roznyja dni buduć składać ad minus 12 da minus 22. Jak prahnazujuć sinoptyki, minimalnyja tempieratury nastupnych siami dzion u Homieli i Mahilovie dasiahnuć minus 24, u Hrodnie — minus 21, u Breście — minus 18.

Siońnia, u sieradu, u Minsku było minus 19. U horadzie soniečna, nieba siniaje-siniaje.

0

0

0

0

0

0