Zatrymany ŭ Hiermanii namieśnik staršyni «Źviazu na karyść demakratyi ŭ Biełarusi» Ihar Koktyš čakaje dakumienty, jakija paćvierdziać jaho status palityčnaha ŭciekača ŭ Polščy. Aktyvist byŭ zatrymany niamieckaj palicyjaj, pakolki jaho proźvišča było ŭniesiena ŭ śpis interpoła biełaruskim bokam.
Heta ŭžo tradycyjnaja praktyka biełaruskich uładaŭ — pieraśled palityčnych apanientaŭ pavodle Kryminalnaha kodeksa, — kaža staršynia źviazu Anatol Michnaviec:
— Heta zdarajecca tamu, što šmat aktyvistaŭ apazicyi byli vymušanyja źjechać za miažu, atrymali palityčny prytułak, a ŭ Biełarusi suprać ich byli sfabrykavanyja spravy. Biełaruś vykarystoŭvaje pahadnieńnie pamiž dziaržavami ab baraćbie sa złačynnaściu, kab vyrašać svaje prablemy.
Užo nieadnakratna byli vypadki zatrymańniaŭ u Polščy: Źmicier Pimienaŭ, Andrej Pyžyk, sprava Andreja Žukaŭca, jakaja ciahniecca, taksama Aleś Michalevič.Biełaruskija ŭłady robiać kryminalnymi złačyncami tych, chto zajmajecca palitykaj, infarmacyja z prośbaj pra ich zatrymańnie rassyłajecca pa śviecie.
Suprać Ihara Koktyša ŭ Biełarusi ŭ 2001 hodzie była zaviedziena kryminalnaja sprava. Sam Koktyš usie abvinavačvańni asprečvaje, adznačajučy pry hetym, što kryminalny pieraśled źviazany ź jaho aktyŭnaj hramadzianskaj pazicyjaj. U listapadzie 2009 hoda «Mižnarodnaja amnistyja» pryznała Ihara Koktyša viaźniem sumleńnia.
* * *
Ihar Koktyš byŭ źniaty ź ciahnika
— Ihar Koktyš pry pierasiačeńni
U 2001 hodzie ŭ Biełarusi suprać Ihara Koktyša była pačata kryminalnaja sprava. Sam Koktyš usie abvinavačvańni biełaruskaha boku asprečvaŭ, adznačajučy, što jaho kryminalny pieraśled źviazany z aktyŭnaj hramadzianskaj pazicyjaj. U listapadzie 2009 hoda «Mižnarodnaja amnistyja» pryznała Ihara Koktyša viaźniem sumleńnia.