Skiejtbardyst razahnaŭsia na vulicy da 110 km/h — videa Ci treba za takoje štrafavać? 8

Adnamu z samych viadomych skiejtbardystaŭ Paŭdniovaj Afryki Dečya Łaŭrensa (Decio Lourenco) pahražaje aryšt za niebiaśpiečnyja pavodziny na darozie.

Palicyja zacikaviłasia spartsmienam paśla taho, jak u internet byŭ vykładzieny videarolik, na jakim bačna jak skiejtar jedzie na došcy ŭniz pa adnoj z vulic Kiejptaŭna i ŭ peŭny momant raźvivaje chutkaść vyšej za 110 kiłamietraŭ u hadzinu (70 mil u hadzinu). siaredniaja chutkaść skłała 60 km/h

Chutkaść ruchu Łaŭrensa vymiarałasia z dapamohaj GPS-pryłady, zamacavanaj u jaho na nazie.

«My paviedamili pra zdareńnie darožnaj palicyi i chočam, kab jaho aryštavali», — zajaviŭ Džej Pi Śmit, jaki adkazvaje za biaśpieku ŭ horadzie.

Pavodle jaho słoŭ, sprava nie ŭ tym, što skiejtar pieravysiŭ chutkasny limit, a ŭ tym što na darozie jon pavodziŭ siabie «biezrazvažna i niebiaśpiečna».

Vulica, pa jakoj jechaŭ Łaŭrensa, nazyvajecca Kłuf-Niek i maje adzin z samych krutych spuskaŭ u Kiejptaŭnie. Skiejtbardysty nie raz pravodzili tut ekstremalnyja akcyi, adnak pierad hetym pierakryvaŭsia ruch na vulicy. Katańnie pa hramadskich darohach u horadzie zabaroniena.

telegraph.co.uk

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH