Administracyja prezidenta ZŠA Baraka Abamy raspracavała zakonaprajekt, jaki dazvalaje nielehalnym imihrantam nabyć zakonny status na praciahu vaśmi hadoŭ, kali jany vyvučać movu i buduć vykonvać šerah inšych patrabavańniaŭ.
Čarnavik dakumienta čynoŭnik ź Biełaha Doma pieradaŭ u rasparadžeńni haziety USA Today na ŭmovach ananimnaści.
Akramia taho, zakonaprajekt daść mahčymaść nielehalnym imihrantam, jakija znachodziacca ŭ ZŠA, padavać na niadaŭni typ vizy «Lawful Prospective Immigrant» («U budučyni zakonny imihrant») i daść im bolšy dostup da strachavoha fondu.
Pretendavać na zakonny status, zhodna z dakumientam, zmohuć nie tolki sami pryjezdžyja, ale i ich zakonnyja žonki i dzieci.
Dla taho kab atrymać vizu novaha typu i ŭzakonić svajo znachodžańnie ŭ ZŠA, imihranty pavinny buduć prajści pravierku na kryminalnaje minułaje, dać bijamietryčnuju infarmacyju i zapłacić pošlinu.
Viza, kali jany jaje atrymajuć, daść prava znachodzicca i pracavać u ZŠA na praciahu čatyroch hadoŭ, pakidajučy krainu na karotki termin. Pa zakančeńni hetaha terminu imihranty zmohuć znoŭ padać dakumienty i padoŭžyć vizu.
Zhodna z zakonaprajektam, pretendavać na čatyrochhadovuju vizu zmohuć u tym liku tyja imihranty, jakija čakajuć departacyi. Z prahramy pa lehalizacyi, tym nie mienš, vyklučać tych, chto byŭ prysudžany da adnaho hodu turmy abo bolš za adno złačynstva abo ŭ sumie da 90 dzion i bolš za try roznyja parušeńni, a taksama tyja, chto za miažoj ździejśniŭ pravinu, jakaja, kali b jana była ździejśniena ŭ ZŠA, pahražała departacyjaj.
Praz vosiem hadoŭ imihranty, pavodle hetaj prahramy, zmohuć padać dakumienty naKab atrymać jaje, im pryjdziecca vyvučyć anhlijskuju movu i historyju ZŠA i zapłacić padatki. Zatym jany zmohuć pretendavać na hramadzianstva.hryn-kartu .
Stahodździe piaćdziasiat hadoŭ tamu ŭ amierykanskim Saŭt-Ryviery biełarusy sialilisia pieravažna ŭ paŭdniovaj častcy horada, ich tut było niekalki sotniaŭ, a na hetaj vulicy, Prentice Avenue, damy byli skroź biełaruskija. Ciapier tut pieravažajuć łacinamierykancy i partuhalcy.
