Prajekt źmienaŭ u zakon «Ab pryvatyzacyi», padrychtavany ŭradam, uniesieny ŭ parłamient. Jon užo prajšoŭ uzhadnieńnie z Alaksandram Łukašenkam.
Prajekt praduhledžvaje niekalki normaŭ, uviadzieńnie jakich zrobić pryvatyzacyju biełaruskich pradpryjemstvaŭ jašče mienš pierśpiektyŭnaj dla inviestaraŭ.
U pryvatnaści, kala dola dziaržavy ŭ pryvatyzavanym pradpryjemstvie składaje 50% i mienš (a značycca, i 0%), u im skład rady dyrektaraŭ uvachodzić pradstaŭnik dziaržavy. Farmalna jaho isnavańnie patrebnaje ŭ «intaresach abarony intaresaŭ minarytaryjaŭ» — akcyjanieraŭ z dolej mienš za 2%.
Padčas schodu akcyjanieraŭ ad imia minarytaryjaŭ, jakija nie pryjšli na sustreču, budzie hałasavać… pradstaŭnik dziaržavy.Bolš za toje, jon maje prava prypynić vykanańnie rašeńniaŭ schodu, datyčnych amal usich pryncypovych pytańniaŭ — likvidacyi, rearhanizacyi, źmieny pamieru statutnaha fondu, uniasieńnia źmienaŭ u statut, raźmierkavańnia prybytku, vypłaty dyvidendaŭ, vypusku dadatkovych akcyj i hetak dalej.
Heta možna zrabić, kali pradstaŭnik dziaržavy miarkuje, što realizacyja rašeńniaŭ schodu supiarečyć hramadskaj karyści i biaśpiecy, nanosić škodu navakolnamu asiarodździu, ŭščamlaje pravy i abaraniajemyja zakonam intaresy hramadzian.U vyniku metaj dziejnaść akcyjaniernych tavarystaŭ musić faktyčna stać nie atrymańnie prybytku, a «hramadskaja karyść».
Pradstaŭnik dziaržavy moža na nastupny dzień prainfarmavać akcyjaniernaje tavarystva pra svaje rašeńnie. Na praciahu miesiaca sprava pieradajecca ŭ haspadarčy sud.
0
0
0
0
0
0
