Kiraŭniki RHA «Biełaja Ruś» Alaksandr Radźkoŭ i polskaj partyi «Samaabarona» Lech Kurapatviński 26 lutaha ŭ Minsku padpisali pahadnieńnie ab supracoŭnictvie pamiž arhanizacyjami.
«Da padpisańnia pahadnieńnia my išli čatyry hady, — zajaviŭ žurnalistam namieśnik staršyni „Biełaj Rusi“ Viktar Šaćko. — My tak doŭha viali pieramovy, tamu što chacieli jasna zrazumieć, što chočuć atrymać baki ad supracoŭnictva».
Pavodle jaho słoŭ, «Biełaja Ruś» chacieła b kantaktavać z arhanizacyjami, jakija pradstaŭlajuć nie tolki krainy SND, ale i jeŭrapiejskija dziaržavy. «Polskaja „Samaabarona“ — adna z takich arhanizacyj. Heta partyja najbolš praŭdziva padychodzić da situacyi ŭ Biełarusi, padaje infarmacyju pra našu krainu ŭ ŚMI», — skazaŭ Šaćko.
Namieśnik staršyni «Biełaj Rusi» paviedamiŭ, što arhanizacyjam chacieła b supracoŭničać z «Samaabaronaj» «u płanie analityki, vybaru šlachoŭ infarmavańnia nasielnictva dźviuch krain». «My chacieli b razabracca z asnovaj staŭleńnia da Biełarusi ŭ Jeŭropie, jak da našaj krainy staviacca nie tolki palityki, ale i prostaje nasielnictva», — zaznačyŭ jon.
Šaćko paviedamiŭ, što «Biełaja Ruś» «praź ŚMI, kanfierencyi, sumiesnyja mierapryjemstvy chacieła b pakazać, što Biełaruś — kraina, jakaja dynamična raźvivajecca». «My chočam raźvivacca ŭ palityčnym, ekanamičnym, kulturnym, adukacyjnym płanie. Biełaruś — jeŭrapiejskaja kraina. Spadziajusia, „Samaabarona“ dapamoža znajści pravilny šlach vybudoŭvańnia adnosinaŭ z Polščaj», — skazaŭ jon.
