Nie zaihraŭ himn
Hulnia adbyłasia ŭ Žodzinie. Pole ŭ Barysavie nie padrychtavali da pačatka siezona. Pačaŭsia matč ź nievialikaha kanfuza — nie zaihraŭ himn. Lichtarovič i Vieraciła biez muzyčnaha supravadžeńnia chucieńka padniali
U BATE ŭ asnoŭnym składzie źjaviŭsia tolki adzin navičok (Hajdučyk). U minčukoŭ takich było kudy bolej (Syčoŭ, Zachiravič, Kurela, Chvaščynski, Kuźmianok, Hutar). Mahčyma, hulcy jašče nie majuć dobraha ŭzajemarazumieńnia z partniorami.Pieršy tajm prajšoŭ pry poŭnaj hulniavoj i terytaryjalnaj pieravazie BATE. Cudoŭnyja momanty ŭpuścili Radzivonaŭ i Baha, a Rudzik uvohule streliŭ u štanhu. «Dynama» ŭ atycy byŭ tolki ŭdar Syčova «pa vierabjach».
Hoł Hleba
Druhi tajm pačaŭsia dla BATE pryjemna. Pieršy hoł paśla letašniaha viartańnia ŭ Biełaruś zabiŭ Alaksandr Hleb. Heta staŭ 50-y vynikovy ŭdar, jaki paŭabaronca ździejśniŭ za svaju karjeru. Vydatny pas Hlebu addaŭ Vital Radzivonaŭ. I hałoŭnaja zorka biełaruskaha futboła złaviła na supraćchodzie Hutara — 1:0.Paśla hetaha barysaŭcy, jak vyhladała, admysłova addali terytoryju «Dynama». Sami ž dziejničali na kontratakach. Zrešty, napieradzie ŭ kamandy Pratasava mała što atrymlivałasia možna zhadać chiba daloki ŭdar Chvaščynskaha, jaki pieravioŭ na vuhłavy Harbunoŭ.
Užo ŭ kampiensavany arbitram čas bulitny vychad mieŭ Pavieł Niachajčyk, ale zamarudziŭ z udaram, i «dynamaŭskaja» abarona spraviłasia. Faktyčna ŭ nastupnaj atacy minčuki vyrvali ničyju. Arciom Radźkoŭ niaŭdała vynies miač z štrafnoj prosta na nahu Vitalu Trubiła, jaki biŭ niamocna, ale trapna — 1:1.
Adbyłosia heta za dvaccać siekund da kanca hulni. Barysaŭcaŭ taki vynik chutčej zasmuciŭ, čym «dynamaŭcaŭ». Čempijanat abiacaje być cikavym.