Centr pa rasśledavańni złačynstvaŭ nacyjanał-sacyjalizmu ŭ niamieckim Ludvihsburhu vyjšaŭ na śled dziasiatkaŭ nacysckich złačyncaŭ, jakija nie pryciahvalisia raniej da adkaznaści.
Užo ciaham bližejšych tydniaŭ budzie pačata rasśledavańnie ŭ dačynieńni da 50 byłych nahladčykaŭ kancłahiera Aśviencim-Birkienaŭ.
Kiraŭnik centra Kurt Šrym paviedamiŭ, što arhanizacyja vałodaje infarmacyjaj ab imionach i adrasach padazravanych. Eks-nahladčykam kala 90 hadoŭ, jany raskidanyja pa ŭsioj terytoryi Hiermanii.
Paśla vyniasieńnia abvinavaŭčaha prysudu ŭ dačynieńni da 91-hadovaha Džona (Ivana) Dziemjaniuka, pryznanaha saŭdzielnikam ŭ źniščeńni 28060 habrejaŭ padčas Druhoj suśvietnaj vajny ŭ kancłahiery Sabibor, Kurt Šrym ličyć mahčymym praviadzieńnie pracesaŭ i ŭ dačynieńni da inšych byłych nahladčykaŭ.
U sakaviku 2012 hoda Dziemjaniuk pamior u domie sastarełych u Bavaryi.
0
0
0
0
0
0