Čarhovy mižnarodny aŭtasałon «Motaršou» projdzie 23–28 maja na «Minsk-Arenie». Pra heta paviedamiŭ na pres-kanfierencyi 22 krasavika hienieralny dyrektar kampanii «Remark», jakaja vystupaje arhanizataram vystavy, Dźmitryj Jarota.
Pavodle jaho słoŭ, rašeńnie ab pierajeździe na novuju placoŭku pryniata ŭ suviazi z tym, što kolkaść udzielnikaŭ pastajanna raście i, jak vynik, raście patreba ŭ vystavačnych płoščach. Praviadzieńnie aŭtasałona na «Minsk-Arenie» dazvolić usim udzielnikam vystavy maksimalna efiektna prezientavać navinki suśvietnaha aŭtabiznesu, a naviedniki zmohuć nie tolki razhledzieć ekspazicyju ŭ kamfortnych umovach, ale i zručna pryparkavać svajo aŭto na trochuzroŭnievym parkinhu kompleksu.
Hrafik pracy sałona zastaŭsia niaźmiennym: u pieršy VIP-dzień, 23 maja, ad 11.00 da 19.00, u nastupnyja dni — ad 10.00 da 21.00. Papiaredni prodaž kvitkoŭ startuje z 1 maja ŭ centrach «Biełtelekama» pa ŭsioj krainie. Cana kvitka ŭ papiarednim prodažy składzie 50 tys. rubloŭ, u dni praviadzieńnia vystavy — 80 tys., na VIP-dzień — 200 tys. rubloŭ. Dzieciam da vaśmi hadoŭ — uvachod biaspłatny.
Na vystavie budzie pradstaŭleny brend-lehienda Jaguar, prodažy jakoha ŭ Biełarusi startujuć praktyčna adnačasova z «Motaršou».
Brytanski Mini, jaki taksama paŭstanie na vystavie ŭ Biełarusi ŭpieršyniu, — adzin z pretendentaŭ na tytuł «aŭtamabil XX stahodździa». Siońnia hetaja marka ŭvachodzić u kancern BMW i atajasamlivajecca ź niamieckim aŭtamabilebudavańniem. Na «Motaršou» Mini budzie pradstaŭlenaja na adnym stendzie z BMW.
Nie zastaniecca biez uvahi i Geely, zborka jakoha startavała ŭ Barysavie.
Dla mnohich sustreča z hetym biełaruska-kitajskim aŭtamabilem stanie pieršaj — prodaž aŭtamabila pakul nie pačaŭsia.
Jak paviedamiŭ Dźmitryj Jarota, kožnuju hadzinu na vystavie buduć razyhryvacca płanšety iPad, a taksama šviejcarski hadzińnik Swatch.
«Motaršou» pradstavić uvazie publiki prezientacyi, šou, viktaryny i konkursy, udzieł u jakich možna brać na praciahu ŭsiaho dnia.
