Baraćba z samalijskimi piratami stała takoj efiektyŭnaj, što im nie ŭdajecca zachapić zakładnikaŭ na praciahu hoda, paviedamlaje Associated Press sa spasyłkaj na kiraŭnika hłabalnaj arhanizacyi, jakaja zmahajecca ź piractvam.
Na dumku amierykanskaha dypłamata Dony Li Chopkins, układ u hety pośpiech ŭnieśli niekalki faktaraŭ. Pa-pieršaje, usie krainy stali lepš abaraniać svaje karabli, zabiaśpiečvajučy ich uzbrojenaj achovaj. Akramia taho, 1140 pirataŭ ŭ 21 krainie byli aryštavanyja, što «pakłała pačatak dehłamuryzacyi piractva».
Roskvit «biznesu» samalijskich pirataŭ pryjšoŭsia na 2009-2010 hady. Tady jany zachapili 46 i 47 karabloŭ adpaviedna.U 2011 hodzie ich kolkaść źniziłasia da 25, a ŭ 2012-m - da 14.
«Kolkaść napadaŭ skaraciłasia na 75%. Na praciahu hoda rabilisia sproby zachapić karabli, ale nivodnaja ich z maja 2010 hoda nie skončyłasia pośpiecham», — dadała dypłamat.
0
0
0
0
0
0
