Ilustracyjnaje fota.
U Baranavicki HAUS z balnicy viečaram 4 maja pastupiła paviedamleńnie, što na lačeńnie z pranikalnym nažavym ranieńniem žyvata dastaŭleny 26-hadovy haradžanin, paviedamlaje «Intex-press».
Pa papiarednich dadzienych, traŭmu mužčyna atrymaŭ u chodzie siamiejnaj svarki paśla raśpićcia śpirtnoha, paviedamili ŭ Baranavickim mižrajonnym adździele Śledčaha kamiteta.
«Uźnik kanflikt, padčas jakoha paciarpieły ŭdaryŭ pa tvary svaju maci. U adkaz na heta jaho 27-hadovaja siastra schapiłasia za nož», — koratka raspavioŭ pra akaličnaści zdareńnia namieśnik načalnika Baranavickaha mižrajonnaha adździeła Śledčaha kamiteta Śviatasłaŭ Barmocin.
Mužčyna ź ciažkimi traŭmami byŭ dastaŭleny ŭ reanimacyju. Jaho siastra zatrymana, na jaje zaviali kryminalnuju spravu pa č. 1 art. 147 KK (naŭmysnaje pryčynieńnie ciažkaha cialesnaha paškodžańnia), jakaja praduhledžvaje da 8 hadoŭ pazbaŭleńnia voli.
