27 maja ŭ źniešniepalityčnym viedamstvie Biełarusi adbyłasia sustreča načalnika hałoŭnaha konsulskaha ŭpraŭleńnia MZS Alaksandra Astroŭskaha i načalnika ŭpraŭleńnia Afryki i Blizkaha Uschodu MZS Ihara Laščeni z pasłom Izraila ŭ Biełarusi Iosifam Šahałam.
Jak paviedamiła pres-słužba biełaruskaha źniešniepalityčnaha viedamstva, u chodzie sustrečy Šahału była pieradadziena nota z prapanovaj padrychtavać da padpisańnia pahadnieńnie ab karotkaterminovych (terminam na 30 dzion) biaźvizavych pajezdkach dla hramadzian dźviuch krain.
Ź inicyjatyvaj ab uzajemnaj admienie viz dla hramadzian Biełarusi i Izraila vystupiŭ prezident Biełarusi Alaksandr Łukašenka ŭ pasłańni da biełaruskaha naroda i Nacyjanalnaha schodu 19 krasavika 2013 hoda. Kiraŭnikom dziaržavy było dadziena adpaviednaje daručeńnie MZS i inšym zacikaŭlenym viedamstvam.
Jak adznačajecca ŭ paviedamleńni pres-słužby, uzajemnaja admiena viz zrobić nie tolki bolš dastupnymi dla biełarusaŭ śviatyja miaściny, źviazanyja z uźniknieńniem i historyjaj troch suśvietnych relihij, naviedvańnie svajakoŭ, ale i dazvolić Biełarusi stać bolš adkrytaj dla izrailcian.
U Izraili žyvie bolš čym miljon uradžencaŭ byłoha SSSR, u tym liku kala 120 tysiač vychadcaŭ ź Biełarusi.
Uviadzieńnie biaźvizavaha režymu budzie sadziejničać aktyvizacyi čałaviečych kantaktaŭ, raźvićciu turyzmu i dziełavych suviaziej pamiž dźviuma krainami, padkreślivajecca ŭ paviedamleńni pres-słužby MZS Biełarusi.
