Belarusian Airlines uratujuć Breda Pita ad zombi ŭ filmie «Vajna suśvietaŭ Z» 2

Žurnalisty ŭbačyli karcinu raniej i padzialilisia ŭražańniami.

Film źniaty pavodle adnajmiennaha ramana Maksa Bruksa i ŭ aryhinale nazyvajecca «Suśvietnaja vajna Z». Siužet vielmi prosty i navat kananičny. Na ziamli ŭ hieamietryčnaj prahresii raspaŭsiudžvajecca nieviadomy virus, ludzi pieratvarajucca ŭ zombi i pačynajuć zabivać usio žyvoje. U śviecie panuje chaos — zdajecca, nie zastałosia na płaniecie miesca, dzie možna adčuć siabie ŭ biaśpiecy. Chiba što ŭ adkrytym mory… Hałoŭny hieroj Džery Łejn, jakoha hraje Bred Pit, — śledčy AAN u adstaŭcy. Zrazumieła, pavodle zakonaŭ žanru, mienavita jamu davierana znajści supraćjadździe i vyratavać čałaviectva ad hibieli.

«Bieśpierapynny ekšn nie daje rassłabicca i pastajanna trymaje ŭ napružańni. Režysioru ŭdałosia paźbiehnuć zaciahnutaści, jakoj ciapier hrašać mnohija stužki. Karcina pačynajecca jak dziasiatki inšych filmaŭ-katastrof: dom u pryharadzie, ranica, idealnaja amierykanskaja siamja — mama, tata i dźvie pryhažuni dački śniedajuć i miła bałbočuć ni pra što. Jak toj kazaŭ, ništo nie pradviaščaje biady. Ale režysior nie staŭ ciahnuć humu, i ŭžo z nastupnaj sceny pierachodzić da spravy: vulicy achoplenyja panikaj, ludzi sprabujuć vyratavacca ad biaźlitasnych zombi.

Usie hetyja miłyja štampy takich žanraŭ nakštałt hieroja-astmatyka bieź inhalatara abo zaskokvańnia ŭ transpartny srodak, kali złydzień užo amal učapiŭsia ŭ nahu, nieviadoma čamu zusim nie razdražniajuć, a samalot z nadpisam Belarus Airlines, jaki ratuje Džery ad nieminučaj hibieli, uvohule prymušaje zału ŭzarvacca apładysmientami», — piša ŭ recenzii da karciny partał «Vokruh TV».

Premjera filma ŭ Minsku adbudziecca 27 červienia. Jaho možna budzie ŭbačyć u kinateatrach «Mir», «Biareście», «Centralny» i «Salut».

charter97.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH