Aperatyŭniki departamentu pa baraćbie z arhanizavanaj złačynnaściu MUS RF zatrymali ŭ Maskvie pradprymalnika, jaki padazrajecca ŭ machlarstvie z pastaŭkami naftapraduktaŭ u Biełaruś na sumu kala 100 miljonaŭ rasiejskich rubloŭ (kala 4 młn. dalaraŭ), paviedamiła u paniadziełak RIA «Novosti» krynica ŭ rasiejskich śledčych orhanach.
Padazravany byŭ zytrymany nadoječy ŭ ofisie svajoj firmy, raźmieščanym u centry Maskvy. Jaho imia ŭ intaresach śledztva nie paviedamlajecca, skazała krynica.
«Suprać kamersanta ŭ 2006 hodzie ŭ Biełarusi była ŭsčataja kryminalnaja sprava pavodle artykułu pra machlarstva i lehalizacyju hrašovych srodkaŭ. Jon byŭ zatrymany pa zapycie pravaachoŭnych orhanaŭ hetaj respubliki», — paviedamiła krynica.
Pavodle źviestak MUS Biełarusi, zatrymany ŭkłaŭ damovy na pastaŭku dla ŭzbrojenych siłaŭ respubliki dyzelnaha paliva na sumu 98,8 miljona rasiejskich rubloŭ, ale abaviazalnictvaŭ svaich nia vykanaŭ i źnik.
Jak paviedamiła krynica, mužčyna aryštavany sudom, pra jahonaje zatrymańnie paviedamili ŭ MUS Biełarusi. Vyrašajecca pytańnie pra ekstradycyju padazravanaha.