Saviet Ministraŭ Biełarusi prapracuje pytańnie zachoŭvańnia kanfiskavanych u pjanych kiroŭcaŭ aŭtamabilaŭ. Pra heta siońnia, adkazvajučy na pytańni žurnalistaŭ, paviedamiŭ načalnik upraŭleńnia pa nahladzie za zakonnaściu sudovych pastanoŭ pa kryminalnych spravach Hienprakuratury Uładzimir Turko.
Uładzimir Turko adznačyŭ, što terminy zachoŭvańnia buduć minimalnymi, bo spravy ŭ dačynieńni da pjanych kiroŭcaŭ nie ŭjaŭlajuć asablivaj składanaści. «Maksimalny termin rasśledavańnia 2 miesiacy.Pa hetym składzie złačynstva nie moža być pytańniaŭ, prysud, jak praviła, ustupaje ŭ zakonnuju siłu praz 10 sutak paśla jaho abviaščeńnia», — rastłumačyŭ jon.
Zakon ab uniasieńni źmianieńniaŭ i dapaŭnieńniaŭ u niekatoryja kodeksy Respubliki Biełaruś pa pytańniach uzmacnieńnia mier adkaznaści za kiravańnie transpartnym srodkam u stanie apjanieńnia
ŭstupić u siłu 24 kastryčnika.Siarod najbolš rezanansnych novaŭviadzieńniaŭ značycca norma ab kanfiskacyi aŭtamabilaŭ u niećviarozych kiroŭcaŭ pry paŭtornym parušeńni ciaham hoda.
Istotna pavialičacca sumy štrafaŭ, stanie bolš žorstkaj kryminalnaja adkaznaść. Dziejańnie zakona budzie raspaŭsiudžvacca nie tolki na biełaruskich, ale i na zamiežnych hramadzian.
0
0
0
0
0
0
