Dźvie žycharki Bresta 1972 i 1984 hadoŭ naradžeńnia paciarpieli ŭ vyniku bujnoha DTZ pad Fieadosijaj.
Jak paviedamiła Dziaržaŭnaja słužba pa nadzvyčajnych situacyjach u AR Krym, ranicaj 8 žniŭnia na Kierčanskaj šašy sutyknulisia čatyry aŭtamabili: «HAZ VT», «Deu-Łanas», «Mazda» i mikraaŭtobus «Miersiedes-Sprynter». Hramadzianki Biełarusi i jašče 14 pasažyraŭ (11 z Maskvy i Sankt-Pieciarburha, try z Kierčy) znachodzilisia ŭ mikraaŭtobusie, jaki ažyćciaŭlaŭ ekskursiju pavodle maršrutu Kierč — Bachčysaraj.
U aŭtamabila «HAZ-3309», jaki spuskaŭsia da Kierčanskaj šašy, admovili tarmazy. Kab nie ŭjechać u kałonu aŭtamabilaŭ, jakija ruchalisia napieradzie, vadziciel «HAZa» vyjechaŭ na sustrečnuju pałasu, sutyknuŭsia pa datyčnaj z «Deu-Łanas» i «Mazdaj», a zatym udaryŭ u bok mikraaŭtobus, jaki ŭ vyniku hetaha pierakuliŭsia.
Usie pasažyry «Miersiedesa» byli dastaŭleny ŭ Fieadasijskuju haradskuju balnicu № 1. U brestaŭčanki 1972 hoda naradžeńnia zakrytaja čerapna-mazhavaja traŭma, strasieńnie mozhu, rvanaja skalpavanaja rana vałasianoj častki hałavy, vyciataja rana vobłaści pravaha łakciavoha sustava levaj kiści, traŭmatyčny šok I stupieni, siniaki kaniečnaściaŭ. Stan siaredniaj stupieni ciažkaści. U jaje ziamlački rvanaja rana pravaha plača, stan lohkaj stupieni ciažkaści.
Dźmitryj Ułasaŭ, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
