Baskietbalisty zbornaj Biełarusi vyjhrali ŭ kamandy Vienhryi ŭ pieradapošnim matčy pieršaha kvalifikacyjnaha raŭnda čempijanatu Jeŭropy-2015.
U vienhierskim Kiečkiemiecie padapiečnyja Rusłana Bajdakova zdoleli pieramahčy svaich hałoŭnych kankurentaŭ na pieršaje miesca ŭ matčy adboračnaj hrupy D ź likam 63:61. Samymi vynikovymi ŭ składzie pieramožcaŭ stali Vital Lutyč - 17 ačkoŭ, Arciom Parachoŭski -12 i Alaksandr Kudraŭcaŭ - 11.
Da hetaha biełarusy abyhrali vienhraŭ na svajoj placoŭcy - 79:75, a zatym sastupili ŭ haściach słavakam - 85:97.
Zaklučny matč pieršaha raŭnda kvalifikacyi kantynientalnaha pieršynstva zbornaja Biełarusi praviadzie 16 žniŭnia ŭ minskim Pałacy sportu suprać kamandy Słavakii i ŭ vypadku pieramohi vyjdzie ŭ nastupny etap adboračnaha cykłu.
Turnirnaje stanovišča kamand u hrupie D: Biełaruś - 5 punktaŭ (3 matčy), Vienhryja - 4 (3), Słavakija - 3 (2).
0
0
0
0
0
0
