Tady ŭ kvatery, jakaja stała epicentram vybuchu, zahinuli piensijanierka i jaje darosły syn. Inšyja kvatery byli paškodžanyja.
Śledstva adpracoŭvała čatyry viersii zdareńnia: niaščasny vypadak pry nieaściarožnym abychodžańni z hazavym abstalavańniem; niaspraŭnaść hazavaha abstalavańnia; supraćpraŭnyja dziejańni trecich asobaŭ; suicyd.
«Padčas rasśledavańnia pieršyja try viersii nie paćvierdzilisia, — zajaviŭ pradstaŭnik Śledčaha kamiteta pa Minsku Alaksandr Hierasimaŭ. — Pa-pieršaje, hazavaja plita i hazavy ličylnik u paškodžanaj kvatery ekśpierty pryznali całkam spraŭnymi i hiermietyčnymi.
Pa-druhoje, testavyja vyprabavańni hazavaha abstalavańnia ŭsiaho padjezda vyklučyli niaspraŭnaści, jakija mahli stvaryć umovy dla ŭciečki hazu. Akramia taho, vientylacyjnaja šachta z paškodžanaj kvatery źjaŭlajecca izalavanaj ad inšych kvater i viadzie prosta na dach doma.
Pa-treciaje, ni ŭ adnoj z kvater, jakija paciarpieli ad vybuchu, nie znojdziena śladoŭ vybuchovych rečyvaŭ i abstalavańnia, jakoje pracuje ad pieranosnych hazavych bałonaŭ.
Takim čynam, najbolš vierahodnaj viersijaj zastaŭsia suicyd».
Pa słovach Hierasimava, ekśpierty ŭstanavili pryčynu vybuchu: źmiašańnie bytavoha hazu mietanu z pavietram.
Dla stvareńnia krytyčnaj kancentracyi sumiesi, jakaja mahła b vyklikaść uzharańnie pa ŭsioj kvatery, treba było adkryć kanforki plity na dźvie hadziny.
Ekśpierty taksama ŭstanavili, što zahinuły mužčyna pakutavaŭ na psichičnaje rasstrojstva, jakoje mahło vyklikać suicyd.
Śledčym kamitet spyniena rasśledavańnie.
Nahadajem, vybuch prahrymieŭ 23 lutaha ŭ dzieviacipaviarchoviku pa vulicy Plachanava, 85. Paśla vybuchu adbyŭsia mocny pažar. Ludziej z paškodžanych kvatery pierasialili, a kvatery ŭ vyniku adnavili.
