Amierykanskaja kampanija Microsoft kuplaje biźnies finskaj kampanii Nokia pa vytvorčaści mabilnych telefonaŭ za 5,4 młrd. jeŭra (7,2 młrd dalaraŭ).
Zhodna z umovami ździełki, Microsoft atrymlivaje pravy na vykarystańnie patentaŭ kampanii i vytvorčaść mabilnych pryład.
Da 2011 hoda kampanija była lidaram na rynku mabilnych telefonaŭ, adnak užo niekalki hadoŭ sastupaje Samsung i Apple.
Tak, za druhi kvartał u adnosinach da anałahičnaha pieryjadu minułaha hoda jaje prodažy ŭpali na 24%. U pryvatnaści, mabilnych telefonaŭ było pradadziena 53,7 młn adzinak, što na 27% mienš, čym u druhim kvartale 2012 hoda.
Adnak prodažy novych smartfonaŭ Lumia z apieracyjnaj sistemaj Windows u hety pieryjad vyraśli.
Źlićcio pavysić sumiaščalnaść aparatury i prahramnaha zabieśpiačeńnia, miarkujuć ekśpierty.
Microsoft pryniała ŭmovu na praciahu 10 hadoŭ vypuskać mabilnyja telefony pad brendam Nokia.
0
0
0
0
0
0
