Sustreča palitykaŭ prajšła ŭ Krakavie ŭ ramkach mižnarodnaj kanfierencyi «Ad Rymskich pahadnieńniaŭ da Kanstytucyjnaj damovy» i praciahvałasia dźvie hadziny.
‑ My — jeŭrapiejcy i chočam prademanstravać svoj jeŭrapiejski vybar, — adznačyŭ A.Milinkievič padčas sustrečy sa staršyniom Jeŭraparłamienta. — Viartańnie ŭ svabodnuju i zamožnuju Jeŭropu — harantyja zachavańnia našaj niezaležnaści i kultury, raźvićcia ekanomiki i rostu dabrabytu.
Alaksandr Milinkievič i Hans‑Hiert Poterynh abmierkavali taksama palityčnuju i sacyjalna‑ekanamičnuju situacyju ŭ Biełarusi, varyjanty supracoŭnictva ES ź biełaruskimi ŭładami, padtrymku demakratyčnaj supolnaści, niezaležnych miedyjaŭ i represavanych.
Siońnia lider demakratyčnych sił Biełarusi taksama sustreŭsia z prezidentam Polščy Lecham Kačyńskim i śpikieram niamieckaha Bundestaha Norbiertam Łamiertam.
Zaŭtra Alaksandr Milinkievič vystupić z dakładam na mižnarodnaj kanfierencyi «Ad Rymskich pahadnieńniaŭ da Kanstytucyjnaj damovy», u jakim zaakcentuje ŭvahu jeŭrapiejskich palitykaŭ na intehracyjnych mahčymaściach Jeŭropy, jakija źjaŭlajucca dobrym čyńnikam dla chutkaj demakratyzacyi susiednich krain i jak maha chučejšaha ich pierachodu da rynkavaj ekanomiki.