U Hiermanii pačalisia vybary ŭ bundestah. Vybarčyja ŭčastki začyniacca a 19-j pavodle minskaha času.
Apošnija sacapytańni pradkazali pieramohu kirujučaj kaalicyi, jakuju ŭznačalvaje Chryścijanska- demakratyčny sajuz (CHDS) ciapierašniaha kanclera Anhieły Mierkiel. Jaje padtrymlivajuć 45% niemcaŭ.
Takim čynam, u vypadku pieramohi, partyja Mierkiel budzie kiravać treci termin zapar.
Ciapierašniaja parłamienckaja apazicyja, u jakuju ŭvachodziać sacyjał-demakraty (SDPH), «Zialonyja» i «Levyja», adstaje pa apytańniach usiaho na adzin pracent. Za hetyja partyi hatovyja prahałasavać 44% niemcaŭ.
Zrešty, jak adznačaje BBC News, sajuźniki CHDS, svabodnyja demakraty (libierały, SvDP), mohuć nie prajści vybarčy barjer u piać pracentaŭ. U hetym vypadku Mierkiel, kab zastacca va ŭładzie, pryjdziecca damaŭlacca pra sajuz ź jaje hałoŭnym kankurentam Štajnbukam z SDPH.
Taksama ŭ vybarach udzielničajuć pravaja «Alternatyva dla Hiermanii», jakaja vystupaje suprać jeŭra, «Pirackaja partyja» i šerah inšych nieparłamienckich sił. Adnak apytańni pradkazali im vynik maksimum u try pracenty.
Usiaho ŭ bundestahu 622 miescy. Pavodle niamieckich zakonaŭ, sfarmavany parłamient budzie vybirać faktyčnaha lidara krainy — kanclera.
