Trajecki kaścioł. Iškałdź. Baranavicki rajon,geolocation.ws.
Vitraž. Fota Andreja Dyboŭskaha,globus.tut.by.
Pačać novy śpiecprajekt «Ilustravanaja historyja» internet-hazieta «Salidarnaść» vyrašyła z samaha staroha niepierabudavanaha chrama — Trajeckaha kaścioła ŭ Iškałdzi.
Ccieny chrama pamiatajuć trahičnuju historyju ksiandza Vincenta Łatareviča. U 1919 hodzie kamunisty patrabavali, kab ksiondz vyraksia viery. Śviatar admoviŭsia.
Za heta 19 sakavika 1919 hoda jaho žorstka zabili: advieźli ŭ Mir, adsiekli hałavu i vykinuli ŭ zamkavuju studniu. Vierniki ciškom vyciahnuli zabitaha ksiandza i pachavali kala Iškałdskaha kaścioła…
Toj, chto choć raz pabyvaŭ u Trajeckim kaściole ŭ Iškałdzi, napeŭna, zadavaŭsia łahičnym pytańniem: adkul na vitražy samaha staroha (1449) niepierabudavanaha chrama Biełarusi krasujecca NKVDešnaja mašyna?
Akazvajecca, u 50-ja hady na takim aŭto čekisty pryjazdžali začyniać kaścioł. Płanujučy zraŭniać śviatyniu ź ziamloj, pryhnali techniku.
Ale vierniki litaralna lehli pad koły buldozieraŭ. Načalnik zahadaŭ kiroŭcy jechać pa žyvych ludziach — toj admoviŭsia. Hety vypadak na pamiać i adlustravali potym kalarovymi škielcami vitražu.