Paŭnavartasny aŭtarski albom Poł Makartni vypuskaŭ apošni raz u 2007-m: za hetyja šeść hod ser Poł paśpieŭ navajać niekalki kancertnikaŭ, jašče jak minimum adzin albom akademičnaj muzyki ŭłasnaha sačynieńnia, a taksama kružełku džazavych standartaŭ.
Usio vyšej pieraličanaje maje chiba što adnu metavuju aŭdytoryju — ludziej, jakija słuchajuć usie, na čym napisana «Poł Makartni». Urešcie, na vychodnych Makartni vypuściŭ novy albom pad zvyšprostaj nazvaj New.
Brytanskija recenzienty ŭžo amal adzinahałosna pryznali kružełku šedeŭram: nad alboma pracavali čatyry roznyja pradziusary, u tym liku Džajłz Marcin, syn taho samaha Džordža Marcina, jaki stvaryŭ saŭnd The Beatles.
«Niekatoryja pieśni buduć hučać daloka nie tak, jak vy pryvykli», - zahadkava namiaknuŭ Poł, inasamreč ździviŭ słuchačoŭ niekalkimi trekami, samy jaskravy ź jakich Appreciate. Voś tut i nie abyšłosia bieź inšych pradziusaraŭ, jakija pracavali z Emi Uajnchaŭz i Adel.
Adnak jak pracuje ź imi Poł Makartni ŭjavić prosta: jašče ŭ siaredzinie 1980-ch na prapanovu pradziusara niešta źmianić u hučańni alboma, ser Poł taktoŭna namiaknuŭ, što ŭ spadara pradziusara chitoŭ numar adzin jašče nikoli nie było, a ŭ jaho Makartni i padličyć składana kolki.
Što ž my majem u vyniku? Albom usio taho ž staroha dobraha Poła, z troški «asučaśnienym» hučańniem.
A toje, što jon nazyvajecca New, dyk toje vyhladaje jak lohkaja ironija – dačakacca, kab Makartni kardynalna źmianiŭ styl, niemahčyma. I heta da lepšaha.
