Kiroŭca-parušalnik ŭ Minsku akazaŭ supraciŭ supracoŭnikam Dziaržaŭtainśpiekcyi, sprabujučy schavacca ź miesca zdareńnia, i streliŭ u adnaho ź ich z bajavoha pistaleta.
Pavodle źviestak BiełaPAN, incydent adbyŭsia kala poŭdnia na vulicy Kalcova ŭ Savieckim rajonie stalicy.
Jak paviedamlajuć vidavočcy, kiroŭca «Forda» źbiŭ piešachoda, a kali pryjechali supracoŭniki DAI, pasprabavaŭ źbiehčy na svajoj mašynie. Jaje zabłakavali, paśla čaho mužčyna streliŭ u supracoŭnika DAI z «Parabiełuma».
Padazravany zatrymany. Supracoŭnik milicyi, pavodle papiarednich dadzienych, nie paciarpieŭ. Pa infarmacyi ahienctva, pa dadzienym fakcie raspačataja kryminalnaja sprava za zamach na zabojstva supracoŭnika milicyi (art. 14 i art. 362 KK).
Aficyjnych kamientaroŭ z nahody dadzienaha zdareńnia z boku MUS i Śledčaha kamiteta pakul niama.
