Siońnia ŭ ofisie Asacyjacyi «Biełaruskaja fiederacyja futboła» prajšła narada z kalektyvam redakcyi haziety «Vsio o futbole», na jakoj prysutničali pieršy namieśnik staršyni ABFF Siarhiej Safarjan, hałoŭny redaktar haziety «Priessboł» Uładzimir Bieražkoŭ, jaho namieśnik Siarhiej Novikaŭ.
Na naradzie Siarhiej Safarjan paviedamiŭ, što kali ABFF 9 krasavika stała saŭładalnikam «Priessboła», stała jasna, što «vypuskać dźvie haziety nam sensu niama».
U svaju čarhu Uładzimir Bieražkoŭ zaznačyŭ, što «pierastaŭšy być niezaležnaj hazietaj i uvajšoŭšy ŭ skład ABFF», «Priessboł» sa studzienia 2014 hoda pašyryć śpiektr svaich publikacyj za košt układki-dadatku ŭ aŭtorak i piatnicu (pa 4 staronki), dzie buduć aśviatlacca temy, jakija byli šyroka pradstaŭleny na staronkach «Vsio o futbole». Havorka ab pieršaj i druhoj lihach čempijanatu, mini-futbole, žanočym, plažnym i masavym futbole.
Takim čynam hazieta, jakaja isnavała (ź pierapynkami i pad roznymi nazvami - spačatku byŭ «Futboł Biełarusi») z 1992 hoda spyniaje svajo isnavańnie.
