Fota Fotolia nuotr.
Nasielnictva Łatvii žyvie aktyŭnym seksualnym žyćciom, śviedčać vyniki sacyjałahičnaha apytańnia, praviedzienaha kampanijaj SKDS pa zamovie farmaceŭtyčnaj kampanijaj Gedeon Richter, piša ru.delfi.lt.
Pry hetym u pytańniach kantracepcyi łatvijskija žančyny pa-raniejšamu časta spadziajucca na nienadziejnyja mietady zaściarohi.
75 % łatvijskich žančyn ličać, što seks maje vialikaje značeńnie ŭ žyćci čałavieka, u 24 % upeŭnienyja, što rola intymnych adnosin mocna pieraacenienaja.
U chodzie apytańnia vyśvietliłasia, što ŭ 71% łatvijskich žančyn va ŭzroście ad 18 da 49 hadoŭ jość stały partnior, u 14 % — na dadzieny momant niama seksualnych adnosin; u 5% — nikoli nie było seksualnych adnosin, a 3% rehularna zajmajucca seksam z roznymi partniorami.
28% łatvijskich žančyn ŭpeŭnienyja, što vydatny seks mahčymy biez kachańnia, a 19 % asudžajuć seksualnyja adnosiny na adnu noč. Bolšaść łatvijskich žančyn (21%) zajmajucca seksam 3-4 razy na tydzień; 18% — dva razy na tydzień, 7% — ad 5 da 6 raz u tydzień.
U cełym, choć by raz u tydzień seksam zajmajucca 61 % łatvijskich žančyn. Miž tym, 6% žančyn majuć intymnuju blizkaść raz u miesiac, a 3% — raz u 2-3 miesiacy.
95 % apytanych žančyn addajuć pieravahu zajmacca seksam tradycyjna, u łožku; u 72 % — byŭ vopyt intymnaj blizkaści ŭ dušy; u 68 % — u aŭtamabili; ŭ 56 % — u lesie.
Krychu mienš za pałovu — 45 % łatvijskich žančyn — zajmalisia seksam u vadzie, a 36 % — na plažy. Siarod inšych raspaŭsiudžanych varyjantaŭ: 22% zajmalisia seksam na pralnaj mašynie, a 19 % — u stozie siena.
Pavodle statystyki, 84% łatvijskich žančyn samastojna prymajuć rašeńni datyčna svajho seksualnaha žyćcia. 28% prymajuć pad uvahu ryzyku zachvorvańnia seksualna- tranśmisiŭnymi chvarobami pry vybary partniora.
Akramia taho, 22 % žančyn kirujucca relihijnymi pryncypami pry płanavańni svajho seksualnaha žyćcia.
Bolšaść žančyn Łatvii repraduktyŭnaha ŭzrostu, vybirajuć najbolš prydatny sposab kantracepcyi, adnak 17 % usio ž vykarystajuć mietady tak zvanaj «nienadziejnaj» kantracepcyi — pierarvany pałavy akt i kalandarny padlik.
Da taho ž, pry vybary srodkaŭ kantracepcyi žančyny Łatvii vielmi kansiervatyŭnyja i doŭha vykarystoŭvajuć zvykły mietad.
