Alaksandr Łukašenka pavinšavaŭ Hieorhija Marhviełašvili ź pieramohaj na vybarach prezidenta Hruzii, paviedamiła pres-słužba kiraŭnika krainy.
«Dazvolcie vykazać nadzieju, što vaša dziejnaść na vyšejšaj dziaržaŭnaj pasadzie budzie spryjać dalejšamu roskvitu Hruzii i raźvićciu ŭzajemavyhadnaha biełaruska-hruzinskaha supracoŭnictva», — havorycca ŭ vinšavańni.
Pavodle źviestak CVK Hruzii, pieramohu na prezidenckich vybarach, jakija adbylisia 27 kastryčnika, atrymaŭ kandydat ad kaalicyi «Hruzinskaja mara» Hieorhij Marhviełašvili, za jakoha prahałasavali bolš jak 60% vybarščykaŭ.
Adznačym, Alaksandr Łukašenka 25 kastryčnika na pres-kanfierencyi pavodle vynikaŭ pasiadžeńnia Savieta kiraŭnikoŭ dziaržaŭ SND zaprasiŭ Hruziju viarnucca ŭ skład SND.
Marhviełašvili napiaredadni vybaraŭ zajaŭlaŭ, što vybaram Hruzii źjaŭlajecca Jeŭropa i Jeŭrapiejski sajuz i na pasadzie prezidenta jon budzie sadziejničać raźvićciu krainy ŭ hetym kirunku.