2 listapada prykładna ŭ 22.00 u Homieli dzieviać chłopcaŭ, žychary abłasnoha centra, naładzili na prajeznaj častcy sieans masavych zaniatkaŭ fizkulturaj. Jany vybiehli na prajeznuju častku kala haścinicy «Sož» (vulica Savieckaja), stali adciskacca i skandziravać «Za śpiecnaz!».
Jak paviedamiŭ yačalnik adździeła infarmacyi i hramadskich suviaziej UUS Homielskaha abłvykankama Andrej Mazepin, ab pierakryćci ruchu pastupiła paviedamleńnie ŭ dziažurnuju čaść Centralnaha RAUS Homiela. Na miesca zdareńnia vyjechała milicyja.
Čatyry ŭdzielniki «fłešmobu» byli dastaŭlenyja ŭ vyćviareźnik, potym ich pryciahnuli da administracyjnaj adkaznaści za źjaŭleńnie ŭ hramadskim miescy ŭ pjanym stanie.|
U dačynieńni da pieciarych udzielnikaŭ fizkulturnych zaniatkaŭ na darozie składzieny administracyjnyja pratakoły za parušeńnie PDR.
Jak patłumačyli zatrymanyja, da zdareńnia jany siadzieli ŭ restaranie «Baćki», zatym vyrašyli prademanstravać svaju moc.
