Alaksandr Łukašenka 4-5 listapada naviedaje z aficyjnym vizitam Turkmienistan. Ab hetym BIEŁTA paviedamili ŭ pres-słužbie kiraŭnika krainy.
Zapłanavany pieramovy kiraŭnika Biełarusi z prezidentam Turkmienistana Hurbanhuły Bierdymuchamiedavym ŭ farmacie sam-nasam i ŭ pašyranym składzie.
Pa vynikach pieramoŭ płanujecca padpisać šerah dvuchbakovych dakumientaŭ ab raźvićci supracoŭnictva pa roznych napramkach.
U Ašchabadzie členy aficyjnaj biełaruskaj delehacyi taksama praviaduć sustrečy pa tematycy raźvićcia dvuchbakovych adnosin.
Źniešniehandlovy abarot Biełarusi z Turkmienistanam za apošnija piać hadoŭ vyras u 5 razoŭ.
U 2012 hodzie abjom dvuchbakovaha handlu pieravysiŭ $300 młn.
Biełaruś ekspartuje ŭ Turkmienistan traktary, hruzavyja aŭtamabili, darožnuju, budaŭničuju i sielskahaspadarčuju techniku, rovar, aŭtapahruzčyki, šyny, leki, chimičnyja nitki, pradukcyju drevaapracoŭčaj pramysłovaści, charčovyja pradukty.
Najbolš maštabnym sumiesnym prajektam źjaŭlajecca realizacyja kantrakta AAT «Biełharchimpram» ź dziaržaŭnym kancernam «Turkmienchimija» na budaŭnictva biełaruskimi śpiecyjalistami pad kluč Harłykskaha horna-abahačalnaha kambinata pa vypusku kalijnych uhnajeńniaŭ.
