Alaksandr Łukašenka 2 listapada padpisaŭ ukaz № 499 «Ab uźviadzieńni Biełaruskaj atamnaj elektrastancyi», paviedamlaje pres-słužba.
U paviedamleńni adznačajecca, što ŭ adpaviednaści z artykułam 4 zakona «Ab vykarystańni atamnaj enierhii» rašeńnie pra ŭźviadzieńnie atamnaj elektrastancyi ci jaje błoka prymaje prezident. Da hetaha času zavieršana nieabchodnaja padrychtoŭčaja praca dla pačatku budaŭnictva AES, u tym liku ŭ miežach pryniatych mižnarodnych abaviazacielstvaŭ.
U rehijonie raźmiaščeńnia stvoranaja infrastruktura, nieabchodnaja dla budaŭnictva AES, raspracavanaja prajektnaja dakumientacyja, jakaja była zaćvierdžana pastanovaj Savieta ministraŭ ad 30 vieraśnia 2013 hoda № 457, zamoŭcam — HU «Dyrekcyja budaŭnictva atamnaj elektrastancyi» atrymanaja licenzija na prava ažyćciaŭleńnia dziejnaści ŭ halinie vykarystańnia atamnaj enierhii i krynic ianizujučaha vypramieńvańnia ŭ častcy rabot pa ŭźviadzieńni jadziernych ustanovak.
Padpisany ŭkaz dazvalaje hienieralnamu padradčyku — ZAT «Atamstrojekspart» (RF) pačać budaŭnictva Biełaruskaj AES.
Dla zabieśpiačeńnia vykanańnia hrafika budaŭnictva, spraščeńnia administracyjnych pracedur i źnižeńnia raschodaŭ, što finansujucca ź biudžetu, ukaz dazvalaje ažyćciaŭlać advod ziamielnych učastkaŭ paralelna z budaŭničymi rabotami. Narychtoŭku draŭniny i jaje realizacyju buduć ažyćciaŭlać arhanizacyi, jakija adkazvajuć ciapier za viadzieńnie lasnoj haspadarki na hetych učastkach.
Praduhledžvajecca mahčymaść pieradačy zamoŭcam (HU «Dyrekcyja budaŭnictva atamnaj elektrastancyi» abo jaho pravapierajemnikam) na pieryjad budaŭnictva AES časovych budynkaŭ i zbudavańniaŭ AES u biazvypłatnaje karystańnie.
Zamoŭca vyzvalajecca ad pakryćcia strat sielskahaspadarčaj i lesahaspadarčaj vytvorčaści, vyklikanych adabrańniem ci časovym zajmańniem sielskahaspadarčych ziemlaŭ i ziemlaŭ lasnoha fondu, jakija vydzialajucca dla zbudavańnia AES.
Akramia taho, ad vypłaty dziaržaŭnaj pošliny za vydaču dazvołaŭ na časovaje pražyvańnie ŭ Respublicy Biełaruś vyzvalajucca zamiežnyja hramadzianie i asoby biez hramadzianstva, jakija pryciahvajucca dla vykanańnia rabot pa budaŭnictvie AES i jaje ekspłuatacyi na praciahu harantyjnaha terminu.
