Volnyja adnosiny — adnaznačna nie dla ŭsich. Ale niekatoryja pary vielmi imi zadavoleny i žyvuć u miry i harmonii.
Volnyja adnosiny — heta kali ŭ pary partniory mohuć mieć seksualnyja suviazi ź inšymi, adnarazova abo stała i rehularna. Śvinhiery, darečy, taksama ličacca parami ŭ svabodnych adnosinach.
Čamu i jak heta pracuje?
U pary vielmi važnaja ŭzajemnaja zadavolenaść abodvuch partnioraŭ. Mienavita ŭzajemnaść i ščyraść.
Varyjant, kali adzin z partnioraŭ chitruje, kab dahadzić inšamu abo zachavać dačynieńni, nie padychodzić. Dyk voś, svaboda ŭ adnosinach pracuje, kali abodva partniora hetaha žadajuć, kali ich całkam zadavalniaje taki varyjant.
Pry hetym treba być na 100 % adkrytym sa svajoj pałovaj i, mahčyma, ustalavać niejkija praviły pry nieabchodnaści.
Naprykład, vy damaŭlajeciesia, što budziecie mieć seksualnyja suviazi ź inšym čałaviekam raz u miesiac ci što budziecie zajmacca seksam, ale nie budziecie chadzić na spatkańni ź inšymi i h.d.
Svabodnyja adnosiny lepš budavać, kali vy ŭžo žyviacie razam i viedajecie adzin adnaho davoli dobra.
Nie rekamiendujecca pryvodzić "trecich" na svaju terytoryju, heta — zona tolki vaša.
Plusy volnych adnosin
— Bolš seksu, flirtu i žarści ŭ tvaim žyćci. I ŭ žyćci vašaha partniora, darečy, taksama , nie zabyvajcie pra heta.
— Kali vy schilnyja da ekśpierymientaŭ abo doŭha byli ŭ adnosinach, jakija vymatali vas, svabodnyja adnosiny — lepšy sposab pieraklučycca i znoŭku adčuć smak žyćcia.
Minusy volnych adnosin
— Tolki adzin, ale vielmi istotny — isnuje vialikaja vierahodnaść taho, što vaš partnior znojdzie kahości inšaha, zakachajecca i sydzie ad vas.
Choć, ź inšaha boku, toje ž samaje tyčycca i vas.
