Hienieralnaja prakuratura Rasii nakiravała ŭ Biełaruś zapyt ab vydačy hiendyrektara «Urałkalija» Uładzisłava Baŭmhiertniera.

«U suviazi sa šmatlikimi zapytami ŚMI Hienprakuratura RF infarmuje, što chadajnictva ab vydačy Uładzisłava Baŭmhiertniera dla pryciahnieńnia da kryminalnaj adkaznaści, jakoje pastupiła sa Śledčaha kamiteta, było vyvučana. Paśla razhladu hetych materyjałaŭ 22 kastryčnika hetaha hoda ŭ Hienprakuraturu Respubliki Biełaruś byŭ nakiravany zapyt ab vydačy Baŭmhiertniera ŭ Rasiju», — paviedamlaje RIA Novosti sa spasyłkaj na pradstaŭnika rasijskaha nahladnaha viedamstva.

Siońnia taksama stała viadoma, što SK Rasii nakiravaŭ 18 kastryčnika dakumienty ab ekstradycyi Baŭmhiertniera ŭ Hienprakuraturu Rasii.

21 kastryčnika Basmanny rajonny sud Maskvy zavočna aryštavaŭ Baŭmhiertniera. Jamu stavicca ŭ vinu złačynstva, praduhledžanaje častkaj 2 artykuła 201 Kryminalnaha kodeksa RF (złoŭžyvańnie paŭnamoctvami). 

Jak paviedamiła pres-sakratar suda Natalla Ramanava, «na padstavie chadajnictva śledstva Baŭmhiertnier byŭ zavočna aryštavany, bo znachodzicca ŭ mižnarodnym vyšuku». Pavodle jaje słoŭ, miera strymańnia budzie dziejničać ciaham dvuch miesiacaŭ z taho momantu, jak Baŭmhiertnier budzie pieradadzieny ŭ pravaachoŭnyja orhany v RF. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?