Siońnia ŭ Hrodnie raspačała pracu VI mižnarodnaja navukovaja kanfierencyja «Haradzienski socyum: historyja i pamiać» Dvuchdziońnia kanfierencyja adbyvajecca ŭ miežach tradycyjnych hramadskich Dzion śviatoha Hubierta, apiakuna Hrodna. Udzieł biaruć bolš 30 historykaŭ ź Biełarusi, Polščy i Litvy.
«Haradzienski socyum: historyja i pamiać» zasiarodzicca na prablematycy sacyjalnaj historyi.
U centry daśledčaj uvahi – haradski socium, a mienavita sacyjalnaje žyćcio horada, jaho struktura, sistema sacyjalnych adnosinaŭ dy ich evalucyja. Hałoŭnym hierojem kanfierencyi źjaŭlajecca Haradžanin jak subjekt łakalnaj historyi, a taksama historyka-kulturnaje asiarodździe, u jakim prachodziła jaho žyćcio.
Kanfierencyja pracuje ŭ dvuch siekcyjach: «Haradžanie epochi Vialikaha Kniastva Litoŭskaha» (maderatar k.h.n. Vital Hałubovič) i «Horad i jaho žychary ŭ XIX – XX stst.» (maderatar d.h.n. Aleś Smalančuk).
Materyjały kanfierencyi buduć apublikavanyja.
Kanfierencyja pryśviečana pamiaci historyka Michasia Čarniaŭskaha.
