Pa vynikach naviedvańnia 8 listapada abjektaŭ AAT «Barysaŭdreŭ» Alaksandr Łukašenka padpisaŭ ukaz №502 «Ab adkaznaści za parušeńnie vykanalnickaj dyscypliny», u adpaviednaści ź jakim šerah słužbovych asobaŭ pryciahnutyja da dyscyplinarnaj adkaznaści za zryŭ vykanańnia mierapryjemstvaŭ prahramy madernizacyi drevaapracoŭčaj haliny.
Za nienaležnaje vykanańnie daručeńniaŭ pa madernizacyi vytvorčaści AAT «Barysaŭdreŭ» Barys Batura vyzvaleny ad pasady staršyni Minskaha abłvykankama, a Alaksandr Pierasłaŭcaŭ — ad pasady staršyni kancerna «Biellespapierapram».
Strohaja vymova abvieščana staršyni Barysaŭskaha rajvykankama Uładzimiru Miranoviču.
Taksama za adsutnaść naležnaha kantrolu za chodam madernizacyi abjektaŭ AAT «Barysaŭdreŭ», nienaležnuju padrychtoŭku mierapryjemstva z udziełam prezidenta Biełarusi Andrej Tur vyzvaleny ad pasady namieśnika kiraŭnika Administracyi Prezidenta Respubliki Biełaruś. Strohaja vymova abvieščana kiraŭnika Administracyi Prezidenta Andreju Kabiakovu i staršyni Kamiteta dziaržaŭnaha kantrolu Alaksandru Jakabsonu.
Ministerstvu architektury i budaŭnictva, Minskamu abłvykankamu dadzieny daručeńni ab vyzvaleńni ad zajmanych pasad kiraŭnikoŭ arhanizacyj, jakija ŭdzielničali ŭ prajektavańni i budaŭnictvie abjektaŭ AAT «Barysaŭdreŭ»: hienieralnaha dyrektara AAT «Budaŭničy trest № 21» Mikałaja Busałova i dyrektara KUP «Instytut «Barysaŭprajekt» Alaksandra Misijuka, uznačalić AAT «Budaŭničy trest № 21» były staršynia kancerna «Biellespapierapram « Alaksandr Pierasłaŭcaŭ.
Hienieralnaj prakuratury, Kamitetu dziaržaŭnaha kantrolu i Ministerstvu ŭnutranych spraŭ daručana va ŭstanoŭlenym paradku raspačać kryminalnyja spravy pa faktach parušeńniaŭ, dapuščanych pry prajektavańni i budaŭnictvie abjektaŭ AAT «Barysaŭdreŭ», faktach biezhaspadarčaści pry madernizacyi hetaha pradpryjemstva, a taksama zabiaśpiečyć pryciahnieńnie da adkaznaści vinavatych słužbovych asob.
Premjer -ministru Biełarusi Michaiłu Miaśnikoviču nieabchodna da 10 śniežni 2013 h. padrychtavać dakład ab chodzie vykanańnia ŭsich rašeńniaŭ kiraŭnika dziaržavy pa madernizacyi pradpryjemstvaŭ drevaapracoŭčaj pramysłovaści, a Administracyi prezidenta Biełarusi pa vynikach dadzienaha dakładu ŭnieści prapanovy ab adpaviednasci zajmajemaj pasady pieršaha namieśnika premjer -ministra Uładzimira Siamaški.
Kamitetu dziaržaŭnaha kantrolu daručana stvaryć rabočuju hrupu pa praviercy vykanańnia prahramy madernizacyi drevaapracoŭčaj haliny i daručeńniaŭ kiraŭnika dziaržavy ŭ hetaj śfiery. Spravazdača ab vynikach raboty hetaj hrupy pavinien być pradstaŭleny da 1 śniežnia 2013 hoda.
Piersanalnaja adkaznaść za dalejšaje jakasnaje i svoječasovaje vykanańnie mierapryjemstvaŭ prahramy madernizacyi pradpryjemstvaŭ drevaapracoŭčaj haliny ŭskładziena na staršyniaŭ abłvykankamaŭ, kiraŭnikoŭ kancerna «Biellespapierapram», kiraŭnikoŭ pradpryjemstvaŭ nazvanaj haliny i adpaviednych budaŭničych i prajektnych arhanizacyj.
Pry hetym pracy pa kompleksnaj madernizacyi abjektaŭ AAT «Barysaŭdreŭ» pavinny być zavieršany da 1 červienia 2014 hoda.
