Dziesiacirazovy čempijon śvietu pa muaj-taj Vital Hurkoŭ daŭ vialikaje intervju najbujniejšamu spartyŭnamu partału krainy Goals.by
Goals.by
U im bajec raspavioŭ, jak zachapiŭsia nacyjanalnaj historyjaj i biełaruskaj movaj, pra svaje samyja žorstkija treniroŭki, ab papularnaści ŭ Tajłandzie i vypadkach sudziejskaha samavolstva, pra toje, adkul u biełarusaŭ taki bajcoŭski duch, i pra asablivy zał, u jakim zajmajecca.
Hurkoŭ — vialiki amatar nacyjanalnaj historyi, zaznačaje Goals.by.
Heta nie sakret. Jon šanuje biełaruskuju movu i kulturu. Bolš za toje, užo sam zbolšaha ŭvajšoŭ u historyju — Vital staŭ pieršym spartsmienam, chto ŭ efiry našaha TB zahavaryŭ pa-biełarusku.
«Luboŭ da historyi pajšła jašče sa škoły.
Moj nastaŭnik cikava pra jaje raskazvaŭ, jak heta cikaviła nas, dziaciej. Ja zaŭsiody staraŭsia vučyć hety pradmiet. Ale ispyt tak i nie zdaŭ na piać. Pastavili mnie čatyry. U mianie drennaja pamiać na daty. Byccam malaŭniča ŭsie apisvaŭ. A voś daty pavylatali z hałavy.
Lubimaja data? Hrunvaldskaja bitva. 1410 ja dobra zapomniŭ.
Naohuł, mianie ŭražvajuć momanty, kali ludzi išli prosta z kosami na śmierć, kali jany pamirali za radzimu, adstojvajučy svaje pazicyi, svaju kulturu, movu. Hetymi padziejami varta hanarycca, i z hetaha treba brać prykład».
Svaim žyćciovym aryjenciram Vital Hurkoŭ nazyvaje Kastusia Kalinoŭskaha.
«Miarkuju, hety čałaviek moža być nie tolki maim kumiram, ale i kumiram luboha inšaha biełarusa».