Biełaruski tenisist, alimpijski čempijon Łondana ŭ mikście Maksim Mirny chacieŭ by praciahnuć aktyŭnyja vystupleńni na korcie až da Alimpijady- 2016 u Rya-de-Žaniejra.
Maksim Mirny razam sa svaim baćkam sp. Mikałajem, fota BiełTA
Pra heta jon paviedamiŭ siońnia na anłajn-kanfierencyi ŭ pres-centry BiełTA.
«Biezumoŭna, vielmi b chaciełasia zastavacca ŭ paradku da Hulniaŭ u Rya i vystupić na ich», — skazaŭ słavuty tenisist. Razam z tym jon zaŭvažyŭ, što čym bolej hadoŭ, tym bolš aściarožnyja prahnozy adnosna svajho ŭdziełu ŭ turnirach robić.
«Z majho boku było b dosyć lehkadumna zajaŭlać, što ja abaviazkova budu hulać da takoha hoda, a ŭžo tym bolš pradmietna kazać pra brazilskuju Alimpijadu, da jakoj jašče try hady, bo mohuć uźniknuć akaličnaści, jakija nie dazvolać mnie ŭziać u joj udzieł», — adznačyŭ Maksim Mirny.
U toj ža čas jon padkreśliŭ: «Siońnia mahu skazać tolki adno: ja rablu ŭsio mahčymaje dla taho, kab, pračnuŭšysia ranicaj, być całkam hatovym da ŭdziełu ŭ čarhovym turniry, znachodziačysia ŭ lepšaj fizičnaj formie».